FDSL


   info@fdsl.tl
  (+670) 76505050

"Ami sempre tau totalidade a'as ba prosesu kreatividades atu sosializa Teknologia Informasaun no Komunikasan iha Timor­-Leste ho ami nia kapasidade tomak."

IMG_0930

Fundasaun Dezenvolvimento Software Livre (FDSL), antes ne'e ho naran Timor-Leste Open Source Community (TOSC), hanesan organizasaun ida ne'ebe eziste iha Timor-Leste no involve husi Estudante Universidades, Ensino Secundaria no Komunidade ne'ebe ativu iha Utilizasaun Open Source Software (OSS). Antes sai hanesan Fundasaun, TOSC komesa ativu hodi organiza eventu barak ona desde hari'i iha loron Sabadu, 17 Dezembru 2011.

TOSC hari'i husi Komunidade Estuda Linux, Membru ICT NGO FORUM (FONGTIL) no Testamunha husi ekipa Ekipa BlankOn Linux no Yayasan Air Putih husi Indonesia. Ho objektivu atu implementa no dezenvolve mundu Teknologia Informasaun no Komunikasaun liu-liu iha area Open Source Software (OSS) iha Timor-­Leste.

Nudar organizasaun non-profit ne'ebe foka ba area Teknologia Informasaun no Komunikasaun, TOSC sempre fahe esperiensia no matenek liu husi seminariu, treinamentu no diskusaun ba publiku em jeral no espesialmente juventude.

Ho komitmentu bo'ot atu habelar Open Source Software (OSS) iha Timor-­Leste, finalmente TOSC transforma sai Fundasaun Dezenvolvimento Software Livre ho Visaun no Misaun hanesan tuir mai:

Visaun

Sai hanesan sentru peskija no dezenvolvimento Software Livre iha Timor-Leste.

Misaun

  • Organiza peskija iha area Software Livre no implementa resultadu peskija ba iha komunidade.
  • Hari'i no dezenvolve Software Livre tuir nesesidade husi komunidade.
  • Organiza treinamentu iha area Teknologia Informasaun bazeadu Software Livre ba povu.
  • Hala'o servisu hamutuk ho Governu, Sociedade Civil, organizasaun sira nebe'e relevantes no interese bo'ot iha area Software Livre.
  • Hala'o Socializasaun kultura utilizasaun Software Livre ba iha Populasaun ou Komunidade.
IMG_0922