Proprietary Software ou Software Closed Source hanesan lisensa software ne’ebe iha direitus legais exclusivo ba parte partikular. Utilizador proprietary software hetan deit lisensa direitu para utiliza deit, no labele utiliza ba buat seluk, hanesan modifikasaun, fahe, redistribusaun ou fa’an fali lisensa ne’ebe nia hetan ba ema seluk.

Software ho lisensa livre ne’ebe fornese direitu ba utilizador para bele estuda, modifika, dezenvolve, no redistribuisaun fila fali tuir modifikasaun ne’ebe halo ou nomos lae.

Software Livre, bele distribui ho livre ba se deit. Pakote programa ne’e bele modifika ou bele aumenta tuir ida-idak nia nesesidades ho livre sem viola lei.

Software Proprietary, pakote programa ne’ebe labele halo distribuisaun livre se’e la’os husi vendor, distribuidor software ofisial ou kriador software ne’e rasik. Se’e ema balun (pesoal ou grupu) uza no distribui sem iha lisensa ofisial, signifika hanesan kriminozu pirataria software.

Razaun prinsipal utiliza Software Livre maka kustu: Software livre sem iha kustu lisensa aplikasaun. Aliende ne’e mos razaun seluk maka bele kontrola kodigu fontes, no mos neutralidade dependente ba vendor.

Linux nudar kernel sistema operasaun ne’ebe dezenvolvidu husi Linus Benedict Torvalds. Kernel ne’e hanesan ponte integrasaun entre utilizador ho ekipamentus. Linux distribuidu ho lisensa GPL (General Public Lisensi) ne’ebe permiti ita bele kopia, edita no distribui fila-fali sem kontra lei.

Distro (distribuisaun) Linux nudar pakote ida inklui ona kernel Linux no aplikasaun open source ne’ebe dezenvolvidu husi kompania, organizasaun ou pesoal tuir idak-idak nia nesesidades. Ezemplu husi Distro Linux maka Ubuntu, RedHat, SUSE, Mageia no seluk-seluktan.