FDSL


   info@fdsl.tl
  (+670) 76505050

TOSC Hetan Apoio Material Informatika Husi NGO Info Timor

BAUCAU – Organizasaun Naun Govermental Info Timor (IT), fo apoio ekipamentu informatika (Komputador) hamutuk pakote tolu ba Rede Timor-Leste Open Source Community (TOSC), objetivo husi apoio nee atu bele hametin liu tan relasaun servisu entre parte rua nee iha futuru, liu-liu iha area teknologia informatika nian, ceremonia entrega ekipamentus nee realiza iha distrito Baucau, 20/07/2012.
 
Aleinde entrega tiha ekipamentus nee, ekipa Rede TOSC mos fasilita trainamentu instan kona ba EasyHotspot (Desemvolve Internet Iha nebe no Bainhira deit) no oinsa halo desenho (design & editing) uja sistema software livre, ba membro ONG Info Timor (IT).
 
Iha treinamentu instant nee hetan partisipasaun masimu feto-mane husi membro ONG IT. Membro ONG IT nebe partisipa iha treinamentu instant nee sente orgulho tebes tamba liu husi treinamentu sira hanesan atu bele aumenta tan sira nia kapasidade no konhesementu iha parte teknologia informatika, liu-liu Sistema Operasaun Software Livre (FOSS, Linux).